Ա՜խ, ի՜նչ լավ են սարի վըրա
Անցնում օրերն, անո՜ւշ, անո՜ւշ,
Անըրջային, թեթևասահ
Ամպ ու հովերն անո՜ւշ, անո՜ւշ։
Ահա բացվեց թարմ առավոտ
Վարդ է թափում սարին-քարին,
Շաղ են շողում ծաղիկ ու խոտ,
Շընչում բուրմունք եդեմային։
Ա՜խ, ի՜նչ հեշտ են սարի վըրա
Սահում ժամերն անո՜ւշ, անո՜ւշ,
Շըվին փըչեց հովիվն ահա―
Աղջիկն ու սերն անո՜ւշ, անո՜ւշ։
Առաջադրանքներ
- Սևով ընդգծված բառերը բառարանի օգնությամբ բացատրեք և բառակազմորեն վերլուծեք՝ առանձնցնելով՝ արմատները և ածանցները։
Անրջային-երազային-անրջ+ային-պարզ ածանցավոր:
Թեթևասահ-թեթև սահող-թեթև-ա-սահող-բարդ:
Եդեմային-դրախտային-եդեմ+ային-պարզ ածանցավոր: - Ի՞նչ տրամադրություն է բանաստեղծությունը քեզ փոխանցում։
Բանաստեղծությունը ինձ փոխանցում է հանգստություն: - Ո՞վ է իր օրերն ու ժամերը անցկացնում սարում /հուշումը գտիր բանաստեղծությունից/
Իր օրերն ու ժամերը անցկացնում է սարում հովիվը: - Որտե՞ղ կամ ի՞նչ պայմանների առկայությամբ են քո օրերն ու ժամերը երջանիկ ու թեթև անցնում։
Իմ օրերն ու ժամերը երջանիկ ու թեթև են անցնում, երբ ես հանգստյան վայրում եմ իմ ընտանիքի հետ։ - Գրիր հետևյալ բառերի իմաստով մոտ բառեր /հոմանիշներ/՝ լավ, թեթևասահ, հով, առավոտ, շողալ, եդեմային, շվի, հովիվ։
Լավ-ընտիր,
թեթևասահ-թեթևաքայլ,
հով-զով,
աավոտ-լուսածագ,
շողալ-փայլել,
եդեմային-դրախտային,
շվի-եղեգնափող,
հովիվ-գառնարած: